धनगढी। कैलालीको गोदावरी नगरपालिका–१ अत्तरियामा रहेको जेके इङ्लीस सेकेण्डरी बोडिङ स्कुलले २०८० को ब्याचका बिद्यार्थीलाई बधाई तथा सम्मान कार्यक्रम गरेको छ । 

गोदावरी नगरपालिकाबाट शैक्षिक सत्र २०८० को एसइई परीक्षामा उक्त विद्यालयबाट सहभागी भएकाहरुमध्ये उत्कृष्ट नतिजा ल्याउने विद्यार्थीहरुलाई शुभकामना दिने उद्देश्यले बधाई तथा सम्मान कार्यक्रम गरेको हो। आज शुक्रबार एक कार्यक्रमका बिच बिद्यालयका प्रधानाध्यापक,शिक्षक तथा कक्षा १० बिद्यार्थीहरुको सहभागितामा उक्त कार्यक्रमको आयोजना गरिएको हो। 

एसइई परीक्षामा सहभागी ४५ मध्ये उतिर्ण भएका २७ जना बिद्यार्थीहरुलाई बिद्यालयकी प्रधानाध्यक जागृती बोगटी, सहायक प्रधानाध्यपक नविन भट्ट तथा स्कुल इन्चार्ज तिर्थ राज पनेरुले बिद्यार्थीहरुलाई खादा माला र टिका लगाएर सम्मान गरिएको थियो । बिद्यालयका सहप्रध्यापक नविन भटट्ले निकै कडा परिश्रम र सफलताका कारण बिद्यार्थीहरु सफल हुनु भएको भन्दै बधाई तथा शैक्षिक सफलताको शुभकामना ब्यक्त गर्नुभयो।

उक्त स्कुलबाट खेमा कुमारी मल्ल ३ दशमलव ५७ जिपिए, न्एब्  उमेशराज ओझा ३ दशमलव ५७,आशिष् तमोली ३ दशमलव ४७,प्रकृति कापडी ३ दशमलव ४२ जिपिए ल्याएर पास भएका छन् । यस्तै लोकेश चन्द ३ दशमलव ३६, अधिकार बम ३ दशमलव ३३ जिपिए, खेमराज भट्ट र आशुतोष पाठक ३ दशमलव २० जिपिए ल्याएका छन् । बाँकी १६ जनाले बि प्लस ल्याएकोमा ३ जनाले बि ल्याएर पास भएको  बिद्यालयका सहप्रध्यापक नविन भटट्ले बताउनुभयो । कार्यक्रममा बोल्दै उनले भने, सर्वप्रथम, सम्पूर्ण विद्यार्थीहरूलाई म हार्दिक बधाइ दिन चाहन्छु।

बिद्यार्थीलाई भने, तपाईहरूको अथक मेहनत र समर्पणले आज यहाँ पुरस्कृत हुने अवसर प्राप्त भएको छ, उनले भने, यो सफलताको यात्रामा तपाईहरूलाई अझ धेरै माइलस्टोनहरू पार गर्न सक्नुपर्नेछ । र म विश्वस्त छु कि तपाईहरू यो यात्रालाई सफलतापूर्वक सम्पन्न गर्न सक्षम हुनुहुन्छ। बिद्यार्थीहरूको सफलता हामी सबैका लागि प्रेरणाको स्रोत हो, उनले भने, आजको यो क्षण तपाईहरूको मेहनतको फल हो, र यसले तपाईहरूको आगामी यात्रामा अझ धेरै प्रेरणा प्रदान गर्नेछ।

म तपाईहरूलाई उज्ज्वल भविष्यको लागि शुभकामना दिन चाहन्छु। तपाईहरूको सपना पूरा होस् र तपाईहरूको मेहनत सधैं सफलतामा परिणत होस् भन्ने कामना गर्दछु। यस्तै बिद्यालयकी प्रधानाध्यक जागृती बोगटीले पास हुने बिद्यार्थीहरुलाई उज्ज्वल भविष्य उत्तरोत्तर प्रगतिको कामना र अन्य बिद्यार्थीहरुलाई फेरी मेहनतका साथ लागेमा पक्कै सफल भैइने जानकारी दिनुभयो । कार्यक्रममा शिक्षक, बिद्यार्थी लगायतको सहभागी रहेको थियो।