साउन २४ डडेल्धुरा। डडेल्धुरामा जीप दुर्घटना भएको छ।  डडेल्धुरा सदरमुकामस्थित बसपार्क नजिक अमरगढी नगरपालिका–५ पीपलचौतारामा जीप दुर्घटना हुँदा ८ जना घाईते भएका छन्।

आज दिउँसो बसपार्कबाट गन्यापधुरा गाउँपालिकातर्फ जाँदै गरेको सुदूरपश्चिम प्रदेश ०४००१च ०१३४ नम्बरको जीप नालीमा खसेर दुर्घटना भएको हो। जीप दुर्घटनामा चालकसहित ८ जना घाइते भएको जिल्ला प्रहरी कार्यालय डडेल्धुराका प्रहरी निरीक्षक बिर बहादुर थापाले बताउनुभयो ।

 घाईते हुनेमा गन्यापधुरा गाउँपालीका ३ गोलीगाउँका बर्ष ८ की आपरिका बिष्ट, बर्ष २८ की सारदा बिक, सोही ठाउँकी ६४ बर्षीया इश्वरी बिष्ट, ३० बर्षिया लक्ष्मी दमाई, बर्ष ४४का चन्द्र कठायत, बर्ष ५० की झिमादेवी सार्की, चालक ४५ बर्षिय शेर बहादुर बिष्ट रहेका छन् ।

यस्तै घाइतेमध्ये सोही ठाउँकै कृष्ण भुल गम्भिर घाईते भएको डडेल्धुराका प्रहरी निरीक्षक थापाले बताउनुभयो। उनीहरूलाई उपचारका लागि डडेल्धुरा अस्पताल लगिएको छ। जिप चालक विष्टलाई प्रहरीले नियन्त्रणमा लिएको छ। दुर्घटनाबारे अनुसन्धान भैरहेको जिल्ला प्रहरी कार्यालय डडेल्धुराका प्रहरी निरीक्षक बिर बहादुर थापाले जानकारी दिनुभएको छ ।