साउन २४ धनगढी। काठमाडौँबाट धनगढीको लागि उडेको बुद्ध एयरको जहाज काठमाडौं  फिर्ता भएको छ।

बिहीबार साँझ ५ः३० मा काठमाडौँबाट धनगढीका लागि उडेको जहाज मौसम खराब भएपछि पुनः काठमाडौं फर्किएको बिमान स्थल कार्यालयले जनाएको छ । धनगढी आइरहेको जहाज नेपालगन्ज क्षेत्र आसपासमा ठूलो हावाहुरी चलेर मौसम एकाएक खराब भएको थियो।

मौसम खराब हुँदा जहाज धनगढीसम्म आउन समस्या हुने भएपछि जहाज काठमाडौँ फर्किएको बुद्ध एयरका धनगढी इन्चार्ज बुधराम माझीले बताएका छन् ।