साउन ३१ डडेल्धुरा। डडेल्धुरामा जुवा मुद्दामा फरार रहेका ५ जना प्रतिवादी पक्राउ परेका छन्।

जिल्ला प्रशासन कार्यालय डडेल्धुराले जुवा मुद्दामा पाँच हजार जरीवाना ठहर गरेपछि फरार रहेका पाँचै जनालाई बुधवार प्रहरीले पक्राउ गरेको हो।   पक्राउ पर्नेमा अमरगढी नगरपालिका–१ मरौडाका ६५ वर्षीय गणेश चुनारा, ३७ वर्षीय उद्धब सार्की,  अमरगढी–१ कै २८ वर्षीय दिपक कामी रहेका छन्। यस्तै

अमरगढी नगरपालिका–२ का बिरेन्द्रबहादुर खडायत र भागेश्वर गाउँपालिका-५ का रुपाली बस्ने ३९ वर्षीय खगेन्द्र नाथ रहेको जिल्ला प्रहरी कार्यालय डडेल्धुराले जनाएको छ। उनीहरुलाई जिल्ला प्रहरी कार्यालय डडेल्धुराबाट खटिएको प्रहरी टोलीले पक्राउ गरेको हो।   पक्राउ परेकामाथी थप अनुसन्धान भैरहेको प्रहरीले जनाएको छ ।