साउन ३२ धनगढी । डोटीमा बस दुर्घटना हुँदा १६ जना घाइते भएका छन्। धनगढीबाट दिपायल जादै गरेको शैलेश्वरी यातायातको ना ५ ख ४४५१ नम्बरको बस दुर्घटना भएको जिल्ला  प्रहरी कार्यालय डोटीले जनाएको छ।

दिपायल सिलगढी नगरपालिका–४ समुहगाड स्थित शुक्रवार बिहान ५जिल्ला बजेतिर बस दुर्घटनामा परेको जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक(डिएसपी)भिमलाल भट्टराईले जानकारी दिए। 

दुर्घटनामा घाइते भएकाहरूको राजपुर स्थित सुजङ अस्पतालमा उपचार भइरहेको छ । प्रहरीका अनुसार उनीहरुको  अवस्था मध्यम र सामान्य रहेको छ ।प्राविधिक कारणले दुर्घटनामा परेको बस सडकबाट करिब ३५ मिटर तल खसेको प्रहरीले जनाएको छ।