दार्चुला,पुष १२। दार्चुलामा जुवातास खेलिरहेको अवस्थामा ९ जना जुवाडे पक्राउ परेका छन्। दार्चुलाको मालिकार्जुन गाउँपालिका वडा नम्बर ४ देवधुराबाट जुवातास खेलिरहेको अवस्थामा जुवाडे पक्राउ परेका हुन्।

सोही ठाउँ बस्ने ४० वर्षीय भुवन सिंह धामीले सञ्चालन गरेको अमन किराना तथा नास्ता पसलबाट जुवातास खेलिरहेको अवस्थामा पसल सञ्चालक धामीसहित ९ जना जुवाडे पक्राउ परेका प्रहरीले जनाएको छ । 

पक्राउ परेका उनीहरुको साथबाट नगद १ लाख १३ हजार ७७५ र २ बुक ताससहित बरामद गरेको हो। सो सम्बन्धमा थप अनुसन्धान भईरहेको  जिल्ला प्रहरी कार्यालय दार्चुलाले जनाएको छ।