धनगढी,पुस १९। कैलालीको खुटिया नदीबाट जेसिबीसहित चार सवारी नियन्त्रणमा लिएको छ।कैलालीको गोदावरी नगरपालिका-८ मा पर्ने खुटिया नदीको जेबिसी प्रयोग गरेर दोहन गरिरहेको अवस्थामा जेसिबीसहित चार सवारी नियन्त्रणमा लिएको जिल्ला प्रशासन कार्यालय, कैलालीले जनाएको छ। 

बिहिवार राति प्रमुख जिल्ला अधिकारी धर्मेन्द्र मिश्रको टोलीले नदीमा भेटिएका २ जेसिबीसहित चार सवारीलाई नियन्त्रणमा लिन प्रहरीलाई निर्देशन दिएको हो। प्रहरीले से १ क ९६६, सुदूरपश्चिम प्रदेश ०१–००१ क १५१०,सुदूरपश्चिम प्रदेश ०१–००१ क १६१४ र से १ त ९६७४ नम्बरका गाडीहरू नियन्त्रणमा लिएको बताएको छ।

राजमार्गको खुटिया नदीको पुल मुनिको क्षेत्रबाट नदीजन्य पदार्थको सङ्कलन तथा उत्खनन हुँदै आएको छ।प्रहरीले रातिको समयमा नदीमा रहेका चार सवारीहरू मालाखेती प्रहरीको नियन्त्रणमा रहेका छन। गोदावरी नगरपालिकाले नदीजन्य पदार्थको सङ्कलन,बिक्री वितरणका लागि ठेक्कामा दिएको नगर प्रवक्ता गोपालदत्त भट्टले बताए।