धनगढी, पुष १९। कैलालीको धनगढीमा मोटरसाइकल र स्कुटीको ठक्करबाट ३ जना साइकलयात्री घाइते भएका छन्।

जिल्ला प्रहरी कार्यालय कैलालीले धनगढी उपमहानगरपालिका–१ र धनगढी उपमहानगरपालिका–७ मा मोटरसाइकल र स्कुटीको ठक्करबाट ३ जना साइकलयात्री घाइते भएका हुन्। कैलालीको धनगढी उपमहानगरपालिका–१ शिवनगरचोकमा सुदूरपश्चिम प्रदेश ०१०११ प११९ नम्बरको मोटरसाइकलले साइकलयात्री ३१ वर्षीय निर्भिक शाहलाइ ठक्कर दिदा उनी घाइते भएका छन्।

घाइते निर्भिकको नोभा अस्पताल धनगढीमा उपचार भइरहेको प्रहरीले जनाएको छ।यस्तै, धनगढी उपमहानगरपालिका–७ बेलि चोकमा बा ५६ प ९९३२ नम्बरको स्कुटिले साइकलयात्रीलाइ ठक्कर दिंदा स्कुटि चालक २७ वर्षीय जयन्त चौधरी र साइकलयात्री ३४ वर्षीया अर्चना चौधरी घाइते भएका हुन्। घाइते दुबै जनाको नवजीवन अस्पताल धनगढीमा उपचार भइरहेको जिल्ला प्रहरी कार्यालय कैलालीले जनाएको छ। सो सम्बन्धमा प्रहरीले अनुसन्धान गरिरहेको छ ।