भदौ १५ गते धनगढी। कैलालीको धनगढीमा सुदर्शन टेलिभिजन सञ्चालनमा आएको छ।राधाकृष्ण मिडिया नेटवर्क प्रालिद्वारा सञ्चालित सुदर्शन टेलिभिजनको शनिबार सुदूरपश्चिम प्रदेशका आन्तरिक मामिला तथा कानुन मन्त्री हिरा सार्किले उद्घाटन गरेका हुन्।

सुदूरपश्चिम प्रदेशका आन्तरिक मामिला एवम् कानुन मन्त्री हिरा सार्कीले हाल बजारमा भइरहेकोे सञ्चार माध्यमको प्रतिस्पर्धामा सञ्चानमा आएको सुदर्शन टेलिभिजनको प्रगतिको कामना गर्दै शुभकामना व्यक्त गरेका छन्। साथै टेलिभिजन परिवारको उन्नति प्रगतिको पनि कामना गरेका छन्। पत्रकार महासंघ कैलालीका अध्यक्ष हिमाल जोशीले टेलिभिजनले आम जनताका मुद्दालाई सशक्त रुपमा उठाउने विश्वास रहेको बताएका छन् ।

यस्तै पत्रकार महासंघले सम्पूर्ण सञ्चारकर्मीका लागि अभिभावकिय भूमिका निर्वाह गर्दै आइरहेको उनले बताए । टेलिभिजनका अध्यक्ष महेशराज बडुले लामो समयदेखि सञ्चार क्षेत्रमा कार्यरत रहँदाको अनुभवलाई आगामी दिनमा अझै फरक तरिकाले कार्य गर्ने उद्देश्यले सुदर्शन टेलिभिजनलाई सञ्चालनमा ल्याइएको बताए। पत्रकारिताको आचारसंहिताको पालना गर्दै सुदर्शनले आम जनताको आवाज बोल्ने उनले बताएका छन् । शनिबार औपचारिक उद्घाटन भएको सुदर्शन टेलिभिजनको कार्यालय धनगढी-५ हसनपुरमा रहेको छ । सञ्चार क्षेत्रमा केहि नयाँ र आवश्यक भूमिका निर्वाह गर्नका लागि टेलिभिजन सञ्चालनमा ल्याइएको बताइएको छ ।