धनगढी, पुष १८।कैलालीको घोडघोडीमा साढु दाईको घरको बरण्डामा सुतेका एक जना मृत अवस्थामा भेटिएका छन्। प्रहरीका अनुसार कैलालीको घोडघोडी नगरपालिका वडा नम्बर ७ परैचा बस्ने ४८ वर्षीय सोमन चौधरी आज बिहीबार बिहान मृत फेला परेका हुन् । 

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराले परैचामा साढु दाइ नाता पर्ने बुधराम चौधरीको घरको  बरण्डामा उनी मृत भेटिएको बताए। चौधरी बुधबार राति बुधरामको घर गएका थिए ।तर बिहान सुतेकै स्थानमा मृत भेटिएका हुन् । सो सम्बन्धमा थप अनुसन्धान भइरहेको  कैलाली प्रहरीले बताएको छ ।