धनगढी,पुष १८। सुदूरपश्चिम प्रदेशको नीति तथा योजना आयोगको उपाध्यक्षमा जीवन राना नियुक्त भएकी छन्। बिहीबार बसेको प्रदेश मन्त्रिपरिषद्को बैठकले रानालाई नीति तथा योजना आयोगको उपाध्यक्षमा नियुक्त गरेको हो।

आयोगको सदस्यमा डा.हिरा चन्द र शेरबहादुर भण्डारीलाई नियुक्त गरिएको मुख्यमन्त्री तथा मन्त्रिपरिषद्को कार्यालयले जनाएको छ। उपाध्यक्षमा नियुक्त भएका राना र सदस्यद्धयले बिहीबार नै पद तथा गोपनियताको सपथ ग्रहण गरेका छन्।

रानालाई मुख्यमन्त्री कमलबहादुर शाहले सपथ ग्रहण गराएका हुन्।उनी नेपाली कांग्रेसकी केन्द्रीय सदस्य पनि हुन्। रानाले द सोसियो कल्चर अफ राना थारु विषयमा विद्या वारिधी गरेकी छन् भने एजुकेशन प्लानिङ म्यानेजमेण्टमा स्नातकोत्तर गरेकी छन् । उनी राना थारु समाजकी पूर्व अध्यक्ष पनि हुन्।सदस्यद्धयलाई उपाध्यक्ष रानाले सपथ खुवाएकी थिइन्।