धनगढी,पुस १८। बझाङमा जिप दुर्घटना हुँदा तिन जनाको मृत्यु भएको छ।बिहिबार राती साढे ९ बजे से १ ज ८४३ नम्बरको जीप जिल्लाको तलकोट गाउँपालिका-१ स्थित धमेना नजिकै दुर्घटना हुँदा चालकसहित तीन जनाको मृत्यु भएको प्रहरीले जनाएको छ।

जिप दुर्घटनामा एक बालिका गम्भीर घाइते भएकी छन्।जिल्ला प्रहरी कार्यालय बझाङका प्रमुख डिएसपी युवराज भण्डारीका दुर्घटनामा परेर मृत्यु हुनेमा तलकोट गाउँपालिका-४ का ३६ वर्षीय बम बहादुर धामी,उनकी ७२ वर्षीया आमा जौमती देवी धामी र केदारस्यु गाउँपालिकाका ३३ वर्षीय जीप चालक सम्शेर मल्ल रहेका छन्।

दुर्घटनामा बम बहादुर धामीकी ६ वर्षीया छोरी आकृति धामी गम्भीर घाइते भएकी छन्। गम्भीर घाइते भएकी आकृतिलाई तत्काल उद्धार गरी उपचारका लागि जिल्ला अस्पताल चैनपुर लगिएको छ। उनको अवस्था गम्भीर रहेको चिकित्सकहरूले बताएका छन्। जीप करिब २०० मिटर तल खसेको र दुर्घटनाको कारण खुल्न नसकेको प्रहरीले जनाएको छ। जिल्ला प्रहरी कार्यालयबाट इन्सपेक्टरको नेतृत्वमा टोली घटनास्थलमा खटिएको छ।