डोटी,पुस १९। डोटीको बोगटान फुड्सिल गाउँपालीका वडा न ४ पातलखेतमा जिप दुर्घटना हुँदा तीन जना घाइते भएका छन्।शुक्रबार दिपायलबाट पातलीखेत तर्फ जाँदै गरेको से १ ज ८३८ नम्बरको बोलेरो जिप सांझ साढे छ बजे तिर दुर्घटना हुदा तीन जना घाइते भएका हुन। 

चालक के आई सिंह ७ सलेना घर भएका २८ बर्षिय गोबिन्द बलायरले चलाएको ६ जना सवार जिप अनियन्त्रित भएर सडकमा पल्टिदा ३ जना घाइते भएका जिल्ला प्रहरी कार्यालय डोटीले जनाएको छ।

घाइते हुनेहरुमा के आई सिंह गाउँपालीका १ लोली बस्ने २७ बर्षिय सुरेन्द्र कठायतको टाउकोमा चोट लागेको छ। सोही ठाउँ २६ बर्षिय पद्मा कठायतको बाँया हातमा चोट लागेको छ। त्यस्तै सोही ठाँउकी करिष्मा कठायतको छातिमा चोट लागेको छ। प्रहरीका अनुसार घाईतेहरुको स्थानिय स्वास्थ चौकी गगुडामा उपचार भईरहेको छ। घाइतेहरुको अबस्था सामान्य रहेको प्रहरीले जनाएको छ।