कञ्चनपुरमा सुदूरपश्चिमका सामाजिक विकास मन्त्री साउँदको पुत्ला दहन

636 

कञ्चनपुर । सुदूरपश्चिम प्रदेश सरकारका सामाजिक विकास मन्त्री झपट साउँदको पुत्ला दहन गरिएको छ । कञ्चनपुरमा मङ्गवार विद्यार्थी संगठनहरूले सामाजिक विकास मन्त्री साउँदको पुत्ला दहन  गरेका हुन् । 

नेपाल विद्यार्थी संघका नेता वासुदेव न्यौपानेका हनुसार प्रदेशको सामाजिक विकास मन्त्रालय तथा मन्त्रीका कारण कञ्चनपुरका राहुल नेपालीले चिकित्सा शिक्षा अध्ययन गर्न नपाएको  भन्दै पुत्ला दहन गरिएको हो । 

नेपाल चिकित्सा शिक्षा आयोगले कात्तिक १८ गते लिएको प्रवेश परिक्षामा राहुल नेपाली उदीर्ण भएका थिए । तर सुदूरपश्चिमको सामाजिक विकास मन्त्रालयका कारण राहुलको भर्ना छुटेको आरोप उनीहरूको छ ।

सुदूरपश्चिम सरकारले एमबीबीएस अध्ययनका लागि वितरण गर्दै आएको छात्रवृत्तिमा राहुको नाम समावेश भएपनि मन्त्रालयले बेवास्ता गरेको विद्यार्थी संगठनको भनाई छ । 


प्रदेशको सामाजिक विकास मन्त्रालयको अन्योल पूर्ण पत्रका कारण भर्ना रोकिएको भन्दै मन्त्री साउँदको पुत्ला चलाउदै विद्यार्थी संगठनहरू आन्दोलित भएका छन् ।


प्रतिक्रिया दिनुहोस