साउन २९ डडेल्धुरा। डडेल्धुरामा अभद्र ब्यवहार र जुवा मुद्दामा फरार रहेका ६ जना पक्राउ परेका छन्।

जिल्ला प्रशासन कार्यालय डडेल्धुराको बिभिन्न मितिको फैसलाले कैद सजाय तथा जरीवाना ठहर भई फरार रहेका ६ जनालाई सोमवार जिल्ला प्रहरी कार्यालय डडेल्धुराबाट खटिएको प्रहरी टोलीले पक्राउ गरेको हो । 

अभद्र ब्यवहार मुद्दामा ३ दिन कैद सजाय र १० हजार जरिवाना तोकिएको अमरगढी नगरपालिका–५ बस्ने ४२ वर्षीय तिर्थ भण्डारी, जुवा मुद्दामा ५ हजार जरिवाना तोकिएको अमरगढी नगरपालिका–२ बस्ने ४१ वर्षीय तेजबहादुर ऐर, जुवा मुद्दामा ५ हजार जरिवाना तोकिएको अमरगढी नगरपालिका–१ बस्ने ३९ वर्षीय पुर्ण दमाई पक्राउ परेका छन्।

यस्तै जुवा मुद्दामा ५ हजार जरिवाना तोकिएको पर्शुराम नगरपालिका–१२ बस्ने ३५ वर्षीय नरेन्द्रबहादुर थापा, जुवा मुद्दामा ३ हजार जरिवाना तोकिएको पर्शुराम नगरपालिका–४ बस्ने ४४ वर्षीय टेकबहादुर बोहरा, जुवा मुद्दामै ५ हजार जरिवाना तोकिएको दाङको तुल्सीपुर उपमहानगरपालिका–७ बस्ने ४० वर्षी रोमहर्ष भण्डारी पक्राउ परेका छन्। उनीहरुमाथी थप अनुसन्धान भैरहेको प्रहरीले जनाएको छ ।