धनगढी, पुस १५। धनगढीमा आज देखि तीन दिनसम्म भुवा पर्व मनाइने भएको छ । बाजुरेली सेवा समाज धनगढीले आजदेखि दिनसम्म भुवा पर्व मनाउन लागेको हो ।

भूवा पर्व धनगढी उपमहानगरपालिका–१ खुल्ला मञ्चमा मनाइने समाजका सचिव भरत केसी बताए । उनका अनुसार भुवा पर्वमा प्रदर्शनीसंगै प्रतियोगिता पनि आयोजना गरिनेछ । प्रतियोगितामा सुदूरपश्चिमका तराइका जिल्लामा बसोबास गर्दै आएका बाजुरा तथा बझाङका नागरिकहरूका विभिन्न समूहको बिचमा प्रतिस्पर्धा गरिने बताईएको छ ।

प्रतिस्पर्धामा सहभागी हुने समूहले नगद तथा प्रमाणपत्र पाउने समेत आयोजकले जनाएको छ ।बाजुरा पुर्खौली घर भएकाहरूले धनगढीमा भुवा पर्वको आयोजना गर्न लागेको र त्यसलाई मध्यनजर गर्दै मौलिक पर्वलाई निरन्तरता दिने उद्देश्य रहेको बाजुरा सेवा समाजले जनाएको छ । त्रेतायुगमा पाण्डव र कौरवबीचको लडाइँ सकिएपछि पाण्डव पक्षले खुसियाली मनाएको दिनमा यो पर्व मनाउने गरिन्छ।