धनगढी,पुस १५।रेडिकल एकेडेमीद्वारा आयोजित रेडिकल फुटसलको उपाधी रेडिकल एकेडेमीले आफैले रक्षा सफल सफल भएको छ  भने अक्सफोर्ड स्कुल धनगढी उपविजेता बन्न सफल भएको छ । 

धनगढीको फ्ल्याट ल्याण्डमा आयोजित प्रतियोगितामा प्रमुख अतिथी धनगढी उप(महानगरपालिका वडा नम्बर १ का अध्यक्ष सन्तोष मुडभरिले राज्यले बजेट अभावमा खेलकुद क्षेत्रमा चाहे जति लगानी गर्न नसकेको अवश्थामा निजि क्षेत्रबाट यस्ता प्रतियोगिता हुनु उत्साहजनक कार्य भएको बताए ।

जम्मा १२ टिमको सहभागिता रहेको कार्यक्रमको उद्घाटन सत्रमा ऐश्वर्य बहुमुखी क्याम्पसका प्राध्यापक रघुविर भट्ट,  अक्सफोर्ड स्कुल बोराडाँडीका अध्यक्ष नर बहादुर भण्डारी, नेपाल फुटबल संघ कैलालीका सदस्य हर्क दानपालि, लिटल फ्लावर स्कूलका प्रधानाध्यापक विवेक भट्ट लगायतको उपस्थिति रहेको थियो ।

प्रतियोगितामा सर्वोत्कृष्ट खेलाडीका रुपमा अक्सफोर्ड स्कूलका सौगात गौतम र सर्वाधित गोलकर्ताका रुपमा  रेडिकल एकेडेमीका बिकास चौधरी चयन भएका छन्। पढाईमा सँगै विद्यार्थीको चौतर्फि बिकासका लागि खेलकुद पनि आवश्यक भएकाले पढाईमा बाधा नहुने गरि नियमित रुपमा बिदाका दिनमा आवश्यकता अनुसार अतिरिक्त कृयाकलाप गरिरहेको रेडिकल एकेडेमीका प्रबन्ध निर्देशक प्रकाश छेडालले बताए ।