धनगढी,पुस १६। कैलालीको लम्कीमा एक युवतीले घरको छतबाट हाम फालेकी छन्।

कैलालीको लम्कीचुहा नगरपालिका–६ बस्ने भगवती चौधरीको १७ वर्षीया छोरी मंगलाले सोमबार साँझ साढे ८ बजे घरको छतबाट हाम फालेको प्रहरीले जनाएको छ।

जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराले आमासँग विवाद भएपछि चौधरीले छतबाट हाम फालेको पाइएको बताए । घाइते अवस्थामा उद्दार गरिएकी मंगलाको कोहलपुुर मेडिकल कलेजमा उपचार भइरहेको छ। सो सम्बन्धमा प्रहरीले थप अनुसन्धान गरिरहेको जनाएको छ ।